بعد بثّ الحلقة الخامسة ليلة البارحة، أثار أحد المشاهد جدلا واسعا على صفحات مواقع التواصل الإجتماعي، حيث ظهرت شخصية دوجة التي تؤديها السيدة منى نور الدين وهي تصاب بالدوار بسبب انخفاض مستوى السكري، لتقوم الممرضة بحقن "الأنسولين" لها.
ومن بين التدوينات المتداولة :"الصباح نلقى صحابي الطبة ينبرو على فازة صارت امس في مسلسل ... مشيت كي البية نتفرج و كانت الصدمة الكبرى ههههه الممثلة الي نحبها برشه منى نور الدين !!!
يا سيدي مرا كبيرة داخت في الشارع ياخي نلقى طبيبة في الشارع زاده... قلتلها مش ندوخ طاحلي السكر خاطر مزرقتش انسولين !!!!!!!
لا و طبيبة قالتلها صحيح طايحلك خاطر مزرقتش !!! يسلم قرايتها !!!
ياخي الطبيبة مشات معاها للدار و عااااااركت ولدها كيفاش امه مزرقتش انسولين هاو طاحلها !!!!!
ياخي فريق العمل الكل ما فيه حتى انسان يعرف الانسولين هو الي يطيح السكر مش العكس ؟؟؟؟ ما قرى حد فيهم science ؟؟؟؟ باهي حتى واحد فيهم ما شاف والا يعرف الي الانسولين يتزرق تحت الجلدة يكفي تعطيها يدها ؟؟
الانسولين كي متزرقوش يطلع السكر مش يطيح".
وتعليقا على ذات المشهد، نشر الدكتور ذاكر لهيذب التدوينة التالية :"
مانتبعش في المسلسلات الرمضانية اما فهمت من بعض الأصدقاء الأطباء ان فما إمرأة مسنة ( منى نور الدين) شعرت بالدوار وممرضة لقاتلها السكر طايح ياخي زرقتلها الأنسولين .
الرجاء الانتباه راهو المسلسل يتابعوا فيه برشة ناس وكان يعملوا كيف ما عملت الممرضة يدخل المريض في غيبوبة مباشرة .
الرجاء لفت نظر المشاهدين في الحلقات القادمة ونعلموهم ان غلطة تسربت في السيناريو حتى لا تتسبب اللقطة في كوا__رث".
الفيديو :
