تحدثت الممثلة نعيمة الجاني مؤخرا في برنامج انعكاس مع هادي زعيم، عن تحريم الفن من طرف بعض رجال الدين قائلة :"توجعني برشا كي يقول إمام في خطبة الجمعة انو الفن حرام والتمثيل حرام ونتمنى الشيخ هذاكا يقولنا منين جابها ،القرآن مافيهش موش كل الأحاديث الكل صحيحة فمة أحاديث صحيحة و فمة أحاديث موش صحيحة لانو الرسول صلى الله عليه و سلم بالسماحة الي فيه والكرم الي فيه ماينجمش يكون ضد الموسيقى والفن والغناء والي هو يبعث فرحة في الروح".
وعلق عبد الجليل السمراني في برنامج"ضيفنا على كيفنا"، على تصريح نعيمة الجاني معلنا عن مساندتها قائلا :"انا أساند نعيمة الجاني في نقدها اللطيف جدا لرجال الدين على اختلاف مراتبهم ، أنو يفز رجل دين لا طاح لا دزوه يقول الفن حرام ... يعني ناس تحكيلك في الذكاء الاصطناعي وعالم آخر وأحنا مازلنا في تلك العلكة البائدة التي أصابها الجفاء يضاهي جفاء أم موسى ... مازلنا في صوت المرأة عورة ؟ والفن حرام ؟ نتصور أنو الأيمة ورجال الدين يكونوا هوما قدوة بالفعل الحسن أكثر من الكلام الحسن .. لأنو كي يجيك داعية ينادي بالصبر على الفقر وهو يعيش في أرغد العيش ، هذا التناقض لهنا ... نتصور أنو الدعوة إلى الأخلاق الحميدة والاجتهاد في العمل والسلوك الحسن من قبل رجالات الدين أفضل من الافتاء في مواضيع لا تشبع ولا تغني من جوع ... مافماش نص ديني صريح يقول أنو الفن حرام ، والفن إفراز اجتماعي ورؤية لتأسيس عالم جديد وجميل .. حسان بن ثابت شاعر الرسول ، والرسول كان يتلذذ قراءة شعر الخنساء".
الفيديو :
