وجهت إمرأة تونسية مطلقة رسالة الى كل زوجة تريد الطلاق من زوجها بسبب مشاكل بسيطة وعابرة يمكن تجاوزها.
حيث قالت الاخيرة :"بعد 5 سنين طلاق حبيت نوصّل ميساج لبرشا بنات تحب تطلق.. صارت مشكلة بيني وخطيبي يخي مشيت لدارنا غضبانة، دارنا أول الناس الي شجعوني باش نطلق وقالولي طلق انشاء وأنا موش فاهمة شنوة معناها انشاء، المهم بدينا في اجراءات الطلاق وخويا كان من اول الناس الي شجعني ويمشي معايا للمحكمة ويحكي مع المحامية ويقلها الي هو مستعد يدفع من 2 ل 4 ملايين المهم تطلق وفي لخر بابا هو الي قعد يخلص وبعد قعدت نمشي وحدي للمحكمة.."
واضافت ذات المتحدثة كاشفة عن حياتها بعد الطلاق الرسمي :"بعد عام لقيت روحي مطلقة وتنحات الاقنعة الكل، ويني امي الي كانت تعاير في راجلي وتقول ما نخليش بنتي.. وين خويا الي كان يقول قدام الناس ما نخليش اختي تتحقر وتتهان.. حتى خواتي البنات كل وحدة مسكرة على روحها بابها ولاهية بعايلتها.. راجلي كان يعاوني وحنين عليا انا الله غالب في لحظة غش صار الي صار.. هو طلب السماح وترجاني باش نرجعلو اما كابرت وقلت لا، راجلي توا عرّس وجاب 2 صغار و بابا توفى وخويا استولى على الورث و هز عايلتو و سافر وقال لامي كان تحب تمشي معايا بنتك ما تلزمنيش ! و زيد وصّى ولادو ياش ما يجيونيش.. امي توا قتلي ما نجمش نصرف عليك، حبيت نقلكم انو عايلتي صنعو مني مطلقة و رماوني كي الكلبة وتوا عايشة وحدي، في الخدمة كي سمعو الي أنا مطلقة ولاو يتحرشو بيا .. حبيت نقلكم البنات ردو بالكم تتسرعو وتهدو دياركم راهو حتى عايلتك ما تفيدكش، ما يقعدلك كان راجلك، اللهم استحالت العيشة هذيكا حاجة اخرى".
الفيديو :
