تحدثت الممثلة نورهان بوزيان في تصريح اذاعي مع الاعلامية اميمة العياري، عن تدوينتها الاخيرة بخصوص غيابها عن الاعمال الدرامية والتي لاقت تفاعل كبير بين التونسيين.
حيث قالت نورهان :"ماكنتش نتصور التفاعل الكبير بعد التدوينة الي هبطتها، الغرور موش باهي و التواضع برشا كيفي غلطة زادا خاطر عباد عندها درج في التمثيل تخدم و تسوق لخدمتها .. انا صبرت صبرت و بعد تكلمت خاطر نحس في غصة كبيرة اما انا تجاوزت اقصاء التلفزة و اول دور خدمتو في حسابات و عقابات كان عندي نهار بركا تصوير .. انا ماقلتش عيطولي في دور متع طفلة عمرها 20 سنة عاشقة في طفل، عندي ادوار نعرف روحي نجم نقدمهم".
واضافت بوزيان حول نوعية الادوار التي ترفضهم بشكل قطعي :"انا من النوع إلي مانمثلش حاجات osé ، الله غالب قول عليا رجعية. متخلفة إلي تحب تقول أنا متطورة ياسر في مخي أما عندي أسبابي مانقبلش أدوار جريئة ... أنا نحب السينما ولكن مانفركسش وأنا ممثلة نحب التلفزة أما تجاوزتها ماقعدتش حابسة خدمت وتطورت ونمثل ونعمل مسرح ونسافر وكل شي ولكن نحب التلفزة ولهذا تألمت".
الفيديو :
