تحدّث مواطن تونسي أصيل ولاية قفصة في حوار مع برنامج نيوميديا عن تجربته مع العمل و نظرة الشباب التونسي إلى العمل و تواكلهم على آبائهم للانفاق عليهم.
كما تحدث عن أهمّية المحبّة والإيثار بين الأشقّاء معتبرا ان الاخ شيء مقدّس وأن التداين بينهم غير مقبول ويعتبر عيبا.
و قال ذات الشاب :"جيت من ڨفصة لتونس لحالة إستعجالية و مروّح عندي خويا هنا في تونس، نخدم في الليل و الشهرية مكفية لاباس الحمد لله ... عشت برشا في تونس و خدمت قبل في تونس فما خدم اما الشباب تو متواكل يحب الثروة العاجلة ".
وأضاف بخصوص علاقته مع شقيقه :"عندي خويا يخدم في الفلاحة و الآخر في الجيش و الحمد لله، والوالد عندو كرهبة يخدم على روحه.. احنا كلنا نخدمو لكاسة وحدة يستحق هذا نعطيه و يستحق هذا نعطيه الدار هي الساس ، كيف خويا يستحقني في فلوس يلقاني، ما نسلفش عيب نسلف لخويا مافماش سلف مع الخو انا خويا كيف عرّست اعطاني كرهبة بعتها هدية متاع العرس وكانت أول مرة نسوق كرهبة.. ربي يخلينا لبعضنا".
الفيديو :
