انطلق يوم امس الجمعة 20 ديسمبر، العرض الاول لفيلم "صاحبك راجل" بحضور عديد الممثلين والاعلاميين والوجوه المعروفة.
تدور أحداث "صاحبك راجل" في إطار كوميدي عائلي يناقش العلاقات الإنسانية والصداقة والتحديات التي تواجه الأصدقاء، بالإضافة إلى كيفية التغلب عليها بطريقة مرحة.
يشارك في بطولة العمل مجموعة من النجوم التونسيين إلى جانب درة، منهم:
كريم الغربي وسفيان الداهش وياسين بن قمرة وصلاح مصدق وكوثر الباردي ويونس الفارحي ولبنى السديري وفارس عبد الدايم.
والفيلم من إنتاج مجمع القوبنطيني، وإخراج قيس شقير، مع سيناريو وحوار من تأليف زين العابدين المستوري، وأحمد الصيد، وقيس شقير.
وعن اراء الحاضرين، نشر مقداد السهيلي تدوينة بعد مشاهدته للفيلم وقال :"بصراحة... أنا عندي موقف من السينما التونسية قعد راسخ في ذهني مدة طويلة وهو غياب السيناريو وافتقارنا لناس يعرفوا يكتبو الحكاية كيما يلزم.. واليوم استدعاني صديقي الفنان ياسين بن قمرة باش نحضر العرض الأول للفيلم اللي مثّل فيه
( صاحبك راجل ) في قاعة الكوليزي ... مشيت متردّد .. وبعد فرحت برشة على خاطر لقيت روحي عايش مع فيلم مكتوب بحرفيّة عالية رغم اللي هو فيلم كوميدي بالأساس وكيما يعرفوا أهل المهنة اللي السيناريو الكوميدي أصعب من أي نوع آخر على خاطر الضحكة صعيبة والضمار صعيب والكوميديا السوداء أصعب ... ومع السيناريو الرائع ..كل شيء كان في المستوى وخاصة الممثلين كريم الغربي وياسين بن قمرة وسفيان الداهش وصلاح مصدق جنحوا وطاروا بادوارهم وضحّكوني بالدموع وبكّاوني بالغصّة وما حسّيتش بالوقت اللي تعدّى كي البرق... فيلم يستحق المشاهدة أكثر من مرة ... وفريق عمل ناجح نستنّى منو المزيد... تحية تقدير ومحبة لقيس شقير وكل المساهمين في هذا العمل ... وانا كي يبدا فمة عمل فني جيّد نصفّقلو ونبارك لاصحابو ونقول كلمتي بصوت عالي... وندافع عليه بحب واقتناع واستماتة وما نوخّرش لتالي.. صاحبكم راجل".
وقالت الممثلة وحيدة الدريدي :"صاحبك راجل .. مراوحة بين ضحكة و دمعة ... عمل كوميدي جميل و راق... مبروك لكامل الفريق نجاح العرض
عودة جميلة ليونس الفارحي
تميز لسفيان الداهش
تألق لكريم الغربي
ابداع لياسين بن قمرة ...
انتاج محترم جدا
مبروك قيس شقير".
الفيديو :
