اثارت الممثلة نعيمة الجاني الجدل على مواقع التواصل الاجتماعي، برأيها حول تحريم الفن والتمثيل في الدين الاسلامي من عدمه.
حيث قالت نعيمة في برنامج انعكاس مع هادي زعيّم :"توجعني برشا كي يقول إمام في خطبة الجمعة انو الفن حرام والتمثيل حرام ونتمنى الشيخ هذاكا يقولنا منين جابها ،القرآن مافيهش موش كل الأحاديث الكل صحيحة فمة أحاديث صحيحة و فمة أحاديث موش صحيحة لانو الرسول صلى الله عليه و سلم بالسماحة الي فيه والكرم الي فيه ماينجمش يكون ضد الموسيقى والفن والغناء والي هو يبعث فرحة في الروح ...الحلال بيّن والحرام بيّن باش نغلقوا القوس على خاطر مانحبش نتعمق في الدين على خاطر الدين عندوا اماليه انا نقول كل مايضر اكيد حرام يلزمنا نعملو العقل ونفرقوا بين الحديث الصحيح والحديث الباطل.. الغناء والتمثيل والفن والرقص الراقي نحكي على الراقي يستحيل يكون حرام بالمنطق والعقل ...سامحني شنوة ينجم يكون حرام مثلا قمت الصباح قمت بواجباتي الدينية وحطيت نسمع فيروز وانا نشرب في قهوتي شنوة ينجم يضر و الا مثلا انا حطيت موسيقى كلاسيكية بيتهوفن والا موزار وانا نسبح بحمد الله شنوة ينجم يضر هذا هذاكة.. ماو ينجم كان يهزني لعوالم أخرى تخليني روحي تتحد بروح الله عز وجل ...صوت الماء والعصافير كل شيء موسيقى كأنو ربي حثنا باش نسمعو الموسيقى ".
الفيديو :
